>

خذ عيوني ...
أنا اتألمت من كوني ( أعز إنسان , مايشوفك ! )
انا أتحطمت من وضعي , معاي عيون !!
كرهت النور ..
غرامك .. دمعه من عينك .. وشهقه .. وكلمتين شعور
وشوقك ماتعدى حلم ../ وأنا أحلامي زحمّها الدور ..
كرهت النور , ...... صدقني
شنو يعني معاي عيون !؟
اذا فتحت ماشوفك ... اذا غمضت ماشوفك ..
تخيل أنت حرمانك !!!
وتخيل وشكثر أشتاق !
وبس الدمع بـ عيوني
.................................................. ...... خذ عيوني !
أنا مليت من كوني بدون عيون ..!!!


بكره العيد
باجر عادتّي وياك . ... عطني إييْد .. وهذي إييْد ..
نجي نذبح هدايا العيد !!
داري مقبرة سلسال .. باقة ورد ... قلم .. وعطور ..
داري ملحمت عيني .. وريحة شوق .. وموت شعور !
بكره العيد
باجر راح امّثلك ... ( انا فرحان ) ..
ولو أن موعدي ميّت !!
( تعيد العيد ) .. ( عيدك عاد ) .. ( حبيبي زانت اعيادك )
وإذا حسيت في صوتي ... حزن واكثر !
عشاني لا تقول اشفيك !؟
................................... فيني انته مو أكثر ...!!
عادي لك عمر / انطر .. .. وأذبح كل سنيني فيك !
عشاني لا تقول اشفيك !؟
وعيش العيد متهني ..
وجدامك انا أغني !
وراح أرجع مثل كل عام ..
أسير لـ غرفتي الظلمه ..!!
أمل لكن , خسر حلمه ...
شنو يعني معاي عيون !؟
.................................................. ...... خذ عيوني !
أنا مليت من كوني بدون عيون ...!!!


>
>

.
.


.

.

....... )
أنت أقرب شخص لي
.... بس أبعد شخص أنت
) ...... !!!

كنت تفهم كل سكوتي ..... شوف .. دقق .. قلت " كنت " ..... !!
أدري يمي ... قريب مني ... بس عني , مادريت ....

ليش أحسنّي لا بجيّت
عندك , ... ولاجّني بجيت !؟
ليش تستسخف دموعي ... او تواسيني بـ كلمه ؟؟
وين خوفك ؟
وين حضنك ؟
وين إييدك ؟ ... وين صدرك .. ؟
...... فــــيــــــك , وين اللي هويت !؟
أدري يمي ... قريب مني ... بس عني , مادريت ...


محتاج تتفهم شعوري ... !
لو تشوفه انت تافه .... المهم انه شعوري ... !!
بـ خاطري مثلي تحسه
بي تعيش الدور , دوري !
مابي جوري !! ... بس أبي منك تحس فيني ! ..... وتتفهم شعوري
إيــه , أبشعر بك / بـ قربك
.. في عيونك .. أقرا حبك ..
حتى كفك .. من عقب ماهي دفى ... !!
ضمها ..! , وأحكم بـ نفسك
بس أبيك ألقاك فيك
أشتكيلك لو عليك
أدري يمي .. قريب مني ... بس عني , مادريت ..


كنت أسكت ما أسولف
وأنت تفهم كل سكوتي
صرت ألم حروف صمتي ... وأعتصرها لك , كلام ... !!
مابقى بالصوت حرف .. ماصرخته لك بـ صوتي !!
..... ياللي تفهم كل سكوتي
ماتت حروفي بـ تعال
وعاش وسط الصمت , موتي ... !
ادري يمي ... قريب مني ... بس عني , مادريت ..


ليش لما أحنا أقتربنا
أغتربنا عن بعضا .. !؟
آآآآآآه .. يا إحساسي هذا ...... مو طبيعي اللي , وصلنا !
تخاف مثلي ؟
أو تحس , .... لو قلت ضعنا ؟؟
الجفاف بكل مكان ... بردنا في كل مكان
لو تضم أشلاء جسمي ... / حضن , ناقصْك وحنان !
لا الزويا .. كـ الزوايا ... ولا الشموع .. مثل الشموع
ادري تشعلها عشاني ... بس , مو نفس الشموع ... !
كافي عذبت الهدايا
انته احسك مو معايا
أدري يمي ... قريب مني ... بس عني , مادري ...


والله مابي أجرحك .................. !!
تكفى آسف ... بس خايف ... من شعوري , وأسئلك ....!!

أتحبني !؟

( انت متوهم تحب ) ..... !!!
يمكن أنت تعزني ِ ... !!
يمكن أنك عشت نزوّه ... أو غلطه , فيها بس عيْشتني
قول ومني , فْكني
صدقني أصعب من قراقك ../ قربك اللي هدْني .... !!
وإني منك / لك بجّيت
ومن عقب صمتي حجّيت
مادام أنت ماتحسني .. !!

شيفيد , عني لو دريت .. !
شيفيد , عني لو دريت .. !
شيفيد , عني لو دريت ..!؟


. .

.
.
.

أنتهى المشهد !
وجاي تتفرج علي !؟
( تشوفني وشلون أبجي ؟ ) .. شكلي تافه !
وآنا في دور الضحيه .. وأنت في دور البطوله
وحلمي إللي لك رسمته
صرت مو قادر أطوله ..
/ مو مهم اللي أقوله .. ومو مهم اللي تقوله !
أنتهى المشهد خلااص ( وكل ممثل صفقو له )
بس أنا ماكنت أمثل
( عشت لحظاتي بـ طفوله ! )
عشت أيامي وفا .. وهانت أيامي بـ سهوله . .. مو مهم اللي اقوله .
.
.
قلتلي جاي أتأسف !
انته من صجك تكلم !؟
( عمري كله ضاع مني ) توك الحين أتحسف !؟

بدري ياخي !

بدري ياخي !

بدري ياخي ألحين جاي !؟
جاي تهدم كل حياتي ... وإلا بـ تزيد بـ ضماي ؟!

( أأأأ .. ... )

لحظه بس خلني أكمل ... خل أصور لك عناي
خل أوضح لك جروحي .. في مسلسل ( هاي .,. باي !! )
كنت أنا أعطي بروحي .. خاطري ( تبقى ) معاي
ولما تصرخ كنت أموت
وكنت أشيل الهم عنك !
كنت أظن أنك تحبني . ..
وإني آنا ( قطعه منك )
ومايهم إللي بذلته ... . . ( بس أبي تبقى معاي )
ولما صار الوقت ضدي
كنت أبي تاخذ بيْدي
كنت أنا أصرخ وانادي .. وأنت تقول ألحين جاي !!!

بدري ياخي ألحين جاي !؟

( أأأأأأأأ .. ... )
لحظه بس خلني اكمل !

عنْدمَا كَانَ اْلفُؤاد .. جُلَ نبْضَاتهَ أُحِبْك
لْم تْكُن أنَتهَ ياقاسي .. تحْمِلُ الْشوقَ بقلبِك
لْم تْكُن ولو لي ساعه .. بي تخافُ الله ربُك

وين أعذرك ؟!
وكل حياتي يا أخي ضاعت بـ غدرك !
وين أعذرك .. وآنا جيتك
كل هم الدنيا فيني
كنت أظن إني لقيتك .. وأنت تلقاني بـ ظهرك !
وين أعذرك ؟!
وكل حياتي يا أخي ضاعت بـ غدرك
ورحت أنادي بـ وقتها
قلت يمكني أهزك .. ( وين صدرك .. وين صدرك ) ؟
تكفى أحضني بموووت .. ليه ترميني في بحرك !
وين أعذرك ؟! .. وكل حياتي يا أخي ضاعت بـ غدرك !
كنت أتوسل حنانك
دمعي ذليته افمكانك !
وانت تقول ألحين جاي

بدري ياخي الحين جاي !؟

( أأأأأ .. .... )

لحظه بس .. مابي أكمل !
بس أبسئل ليش جاي ؟!
وإلا تدري ..
ما أبي منك كلام ... خلني بـ همي أنام
من هو مثلي .. هذا حظه ( كل صباحاته ظلام ! )
لي عندك .. بس شغله
شغله وحده بالتمام ...

/ تذكر أهدائي القديم ؟!!
كل أغاني ( عبدالكريم )
خلْها .. خذ شي واحد !
( شي منها بالصميم )
..
.
آآآه ياخيبة رجاي فيك .. لا حرام ماودي أدعي عليك

..
.

.
.
.








ماعاد يغريني المطر , ...... ولا يناديها ..... !!
جنّ السما مو سقفنا
أو سقفنا بس ضدنا ..... والغيم عنْا يصدْنا
عن بعضنا احنا أفترقنا
وما تألم غيرنا
وإلا المطر ... !
كاهو المطر .... ماطر على كل البشر
كل البشر مو اثنينا .............................
ماعاد يغريني المطر , ...... ولا يناديها ..... !!


كان المطر في غيابها .... يعني بجّت مثلي أنا
كان المطر في غيابنا ... يعني نفكر في بعض
يعني نسولف مع بعض
يعني نقول ان السما تبجّي علينا
ومارضت باللي خطينا
وانتذكر بالغياب
شلون فينا الشوق ذاب
وكنت اذوب واشتهيها .. ممطره
تنزف وأشم ريحة مطر .. أسكر وأضيع بـ شوقها
ريحة مطر ... لما تذوب ... وتشتهيني , ممطره
كان المطر ... غير المطر
غيمه وانا كل البشر
ماعاد يغريني المطر ... , ولا يناديها ...... !!



شقول لـ قطرات العيون
والسما ... وغيم المجون
تسيل , صارت أسئله
وإنتي إجاباتي انا .... !!
لكن أنا منهو أكون ؟
معقوله ماعندج جواب ؟
للحين إنتي تفكرين ... إن كنت انا صج او سراب ؟
معقوله هذا الحب يهون ؟
شقول لـ قطرات العيون
دام المطر ... كاهو المطر
ماطر على كل البشر
ماعاد يغريني المطر ..... , ولا يناديها ..... !!!

م

من ينسيني أنا الماضي الأليم !؟
وكنت أظن أنك من عروقي , نبضت !
كنت أظن أنك على شاني أنولدت ..
وأثرك لـ غيري ... قبل مآنا ألتقيك ,
عشت حُبك .... ذاب قلبك ... وآنا توني ذبت فيك !
وألتقيتك .. / بس ادري مالقيتك !!
أو لقيتك ..
............... للأسف جرح وبقايا !!!
شي منك مو معايا .. وشي منك موت فيني !
وكل كلّك ........
..................... وسط ماضيْيك......., يعيش !!
م

يمكن إني قبل أعرفك
نامت كفوفه بـ كفك !
كان حلمك ...!
................. يمسح دموعك ... يلمك !
نزوتك ! ... دمك وهمك ... والملاذ اللي يضمك !
كنت تتمنى وصاله .. وكان اهو مثلك , يحبك ..
يمكن أنك عشت جرحه ...
او سهرت الليل لاجله
.................................. أو تشوفه ألحين فيني ..!!!!
وآنا اداوي جروح قلبك ..
والله مو ذنبي وذنبك
عشت عمرك .. ........ قبل أجيك ...
................................................ وجيت اكمل باقي عمرك !
ن

جيت مو آنا الوحيد !
جيت أنا حب ٍ جديد
فيك أجدد مامضى ......... ( سطر ) أحلا من القصيد ..!!
وكان قبلي .. فيك شوق
وكان قبلي .. فيك جرح
وكان قبلي فيك عشق ... من الوريد حتى الوريد !
م

لا تبررلي حبيبي ...
والله لو مهما تقول
ووالله لو مهما تسوي ...
نزف قلبي مايجف
ودمع عيني ماوقف
والتعب اللي بـ كياني .... ( كان قبلي شخص ثاني !؟ )
وصرت مدري .. وسط قلبك
هو مكانه ؟ ... أو مكاني !؟

أدري والله تذكره !
قلتلي مره أشكره !!!!
وين كان ... شلون كان ... والزمان اللي قضيتم ..., والمكان !..
........... ( المكان ) اللي احتواه .. ومحتواني ...
والأمان اللي تحسه ... سهرتك .. رنة حبيبك ... والحنان !
رفجّتك !! .. لما عرفته ... عُقدتك , لكن عشقته ..
دمعتك ! ... ( موعد رحيله ) ... وانتظارك كل ليله .. والقدر وشلون خان ..!
كل تفاصيله معاك ... كل تفاصيله معاك ... كل تفاصيله معاك ..

للأسف جيت امتأخر
القدر أخْرني عنّك ... والقدر قربني منّك ...
............................ جيت متأخر كثير !!!
شي مكتوب وأحبك !
حتى من ( قبّلي ) أغير !! .... وآتعذب .. وآتألم .. حس تكفى بالمصير ...!!
ن

انت قلت ..
......... وآنا ذنبي إني سمعت ... كل تفاصيلك معاه !
م

وألتقيتك ... بس أدري مالقيتك !
أو لقيتك ...
للأسف جرح وبقايا ....
........ شي منك مو معايا ... وشي منك موت فيني !
وكل كلّك ........
..................... وسط ماضيْيك......., يعيش !!
هذي هي كل الحكايه
إني مو آنا الوحيد
كان قبلي شخص ثاني .... وجيت أنا حب ٍ جديد ..!!
جيت ألملم مابقالي ...
........... من تحطمكم , ... وأكيد ..!
........................................................ شي مكتوب وأحبك !
تت

ثانيه .. دقيقه ... يوم .. اسبوع .. شهر .... سنه ...

والفراق .. اهوا الفراق
نفس الطعم .. نفس المراره والألم
نفس السهر ... نفس الليالي اللي تمر
بس ماتمر ..
نفس الحزن .. اللي افترسني بـ غيبتك
نفس القهر .. نفس التعب .. نفس السؤال المستحيل ... متى يرد ؟
واعلمه في غيبته ...
شلون الليالي كنت أعد
نفس الأمل ... في كل يوم ( انطر تجي )
في كل صبح .. أتأمل ألقالك مسج
افز .. افز .. وأرد أموت ..
وهذا الفراق .. اهوا الفراق
من يوم ودعتك , ورحت ....
نفس الحزن
نفس الألم
نفس الليالي اللي تمر .... هم وسهر
نفس العمر .. اللي انذرف مع دمعتي ..

نفسي أنا
لما أنا ... فارقتك انت ..

في زماني قبل أعرفج ..
, كنت مؤمن ..
إنه عهد الحب زال .... لا إناث ولا رجال !
رغم إني كنت أقرا ..
( كل بعد إمية سنه .. ينوجد للحب حال )
كنت أبجي لـ اعتقادي .. إني لا يمكن أحب
كنت أحسني حب وارف .. بس مو لاقي يحب !
الزمن هذا اضطهدني
لما شفت الحب فيه ... " فتره " أو " جذبه " و " لعب "
وآنا أحس الحب فيني .. " تضحيه " و " شوق " و " تعب "
كنت خايف ما ألاقي إنسانه مثلي ...
............ وما ألوم إلا الزمن
دام ( كلهم عاشقين ) ... !!


كنت أدور فيه عن أنثى ( قديمه ) .. !!
انثى مخلوقه عشان أتحب ..
......................................................... مخلوقه عشاني !
انثى مثلي قلبها .. , حاس انه مضطهد ..
مؤمنه ( فيما قرأت ) .. كل بعد إمية سنه ... ينوجد رجال وأنثى عاشقين .. !!
انثى واقعها خيال !!
( شنهو يعني صارت الساعه ثمان !؟ )
شنهو يعني ( منطقي لا منطقي ) .. او تندمج في هالزمان ..
انثى تبجي لو تمر ( سوق الزهور )
تحتقر كلمن يبيع ويشتري ...
ينكسر خاطرها لما ... تشوف " ورده " مجمده
ورده أكبر ذنبها .... ( حلوه بالفازا تموت !! )
انثى موطنها أنا ..
لما ترحل تلتقيني ... لما ترجع تلتقيني ... وكل هالرحله أنا ..
انثى مثلي .. لو تحب .........../ عادي ( تضيع ) !
انثى قبل تنام تحلم .. انّها لما تنام تحلم !! ..
تنتثر بـ اطراف حضني ... تنكمش وظلوعي سجني ..
............... وماتمشط شعرها إلا بـ يديني ..!
انثى موجوده بـ قراءاتي ( التي ) ...
ماعرفت النوم .. الا بحبرها ..
وكنت أحسني شخص ناقص !!
بس فيها يكتمل ...
تردلي إيماني القديم ...
انه فيه للحب ( قلب ) .. يملي هذا القلب ( حب )
انثى ماتكبر ... ولو تمشي السنين
اتحب طفولتها .. وبرائتها ... ولا تهتم إلا بـ كلمتين
( آنا أحبك , آنا أحبج )
ماتمل وما أمل ... لو قضينا العمر كله ... بس نقول ( الكلمتين ) .. !
أنثى معظم وقتها شوق وأماني ... !!
أنثى ماتخجل تقول ( أشتقت لك )
وأشتقت لك .. وأشتقت لك ..
ابيك مثل الثلج .. لو يلمس لساني .. !!
انثى مخلوقه عشان أتحب ..
......................................................... مخلوقه عشاني !

(...............
في زماني قبل ( أحبج ) .. !
كنت أدور فيه عن أنثى قديمه ..
ومالقيت إلا بنات ... وأمهات ... وأخت هذا .. ومرّت ذاك ..
......................... إنتي آخر آنتى من زمن الإناث ...!!!
وإنتي آخر قلب ممكن .. من أجل حبه يموت .. !!
وأنتي أول من سكن قلبي , وخلاص .....
..................)