Tuesday, April 26, 2011

عاهدتك / معاك , أنساه .. !

بنزف / La5tawena | عدل الصفحة
.
.





.
.


عاهدتك / معاك , أجفاه
وآنا خنت في عهدي ..!
يا ... قلبي أنا آسف ... يادمعي اللي على خدي
.............. حلفت وماقدرت أنساه ..!
تمر ذكراه ...
اشوفه في وجوه الناس ... في كل درب ... مرينا انا وياه
نساني صح !؟ ... خذا حلمي ؟..... حطمني ... وانا اترجاه ...!
.................... دمرني .. تركني آه تعشق آه ..!!
أنا آسف ... أنا آسف ... حلفت وماقدرت انساه !
ادري ادري مايرجع ... وادري قدري بس اهواه !!

ظلمني ... ايــــــــــــــــه ... انا ادري
تركني ...... ماسمع عذري
ترجيته .. / جرحني وراح ... سلب مني أمل عمري
وانا والله ماخنته !!!
صدمني لما كلمته .!
سمع عني كلام اللي ... تهنّو لما فارقته ..!
ابي انساه مو قادر ...
كل منسىّ , تذكرته ..... !!
أنا آسف ... أنا آسف ... حلفت وماقدرت انساه !
ادري ادري مايرجع ... وادري قدري بس اهواه !!

اعيش الليل ... كل الليل ...
احس ان السهر مني ... واحس اني ملامح ليل ..!
يعني راح !؟ مايسئل ؟ ... ولا يسمع ...
يصدق فيني كل ماقيل ..
وانا عمري رهنته له ... حرقت العمر له " قنديل "
قدر ينسى !؟ .. قدر يقسى !؟
قدر ادري ينام الليل ...
بوجه الريح ماوقف ... .... نسفني / والرياح تشيل ..!
ياقلبي ادري تعبتك .. ياعيني مابقى منديل
ابي تنسى ... وانا بنسى ...
............... ولو نسيانه هد الحيل ..!
انا آسف ... أنا آسف ... حلفت وماقدرت انساه !
ادري ادري مايرجع ... وادري قدري بس اهواه !!


احبك
بس مخلوقه عشانك ..!
حسافه بس ... جرحت انسان صانك !
انا برحل .. ولكن انت أفهم ..
يموت القلب .. ولا بالحلم خانك ..!
أنا آسف ... أنا آسف ...
حلفت وماقدرت انساك ... !!


Tuesday, February 8, 2011

للفقر كلمه ... !

بنزف / La5tawena | عدل الصفحة
.









متى نبجي بدون دموع !؟
ننسى الجوع .. نفنى وينتهي الموضوع !
متى الالآم تنسانا .؟
تفارقنا بغير رجوع ..
متى هذا الطفل يفرح .. ( يشعل بالظلام شموع )
متى .. متى ..
متى نبجي بدون دموع !!

..

.

دموع أمي على كفي .!
مطر هالليل من نزفي ..
( تلحفنا ) السما الزرقا !!
ولو ( ساعه ) نبي نغفي ..!
وأشوف أختي تناديني ..
تلوم الوقت من ( ضعفي ! )
تقول ( الجوع / بردانه )
ولا بأيدي سوى ( عطفي !! )
تعالي .. تعالي أتلحفي نصفي
تعالي أتلحفي نصفي ..

..

.

تعبنا ( نكسر ) الخبزه
ندري .. ماتكفينا ..
جنه نشوفها ( ونشبع )
نخليها لـ ليالينا !!
بما فيها .. أمانينا ..
قصص من صج عشناها
نحس أنها انحجت فينا !!
( بائعة الكبريت , سالي , ليلى والذيب )
وسمعنا الذيب ( أكل ليلى )
ياليت الذيب يمحينا !!
ياليته ( مايخلينا ) ..!
تعبنا من ( فتات ) الخبز
تعبنا نشتكي هالعجز ..

ياليت الله يعطينا

ياليت الله يعطينا

..
.

مبانينا بلا جدران ..
شوارعنا بلا سكان ..
مناديل الزمن ( تبجي ! )
لقت في عيننا العنوان ..
نشوف أن الطيور أطير
نشوف أن الزهر ينبت
نقول أن ( الحياه في خير !! )
ونسئل نفسنا في صمت ..

أكثر من جذي اشبيصير !؟

أكثر من جذي اشبيصير !؟

أكثر من جذي اشبيصير !؟
أكثر من جذي اشبيصير !؟

..

.


Friday, January 21, 2011

أنا وأنت , أنحبها ... !!

بنزف / La5tawena | عدل الصفحة
.






بنفس الوقت / والتاريخ / والموعد !
في هالمطعم ( كبينة حب ) مثلك كنت انا فيها !!
سمعت أحلا كلام الحب
سمعت اغليك .. سمعت أهواك ..
سمعت ( إن العمر يفداك !! )
وشفت أغلا دموع العين تتنثر
وأنا اتأثر ! واهي تبجي (على فرقاي ماتقدر ! )
واثاري جذب !
كل اللي اعيشه جذب !!
مشيت أسوأ دروب الحب ..
/ عرفتك .. قلت افضفض لك
وأصارح واقعك ( بالصعب ! )

.

.

أنا وأنت انحبها !
يا أنسحب .. ياتنسحب !!
قصه حزينه للأسف
من دمعنا هي تنكتب
ماخترنا احنا انحبها
لكن عشقناها ” غصب ” !!
والحب مايطلب أذن ..
( من غير ماندري نحب )
احنا صدقنا بحبنا ..
بس هي تاخذنا ” بلعب
والظاهر انه مالنا
من حبها غير التعب !
حاولت انساها اشكثر ؟!
لكن مفارقها صعب

.

.

ودي بشعوري انت تحس
لمن ألاقيكم ( هِناك )
مصدوم ” فاقد ” موقفي !
وانته اتبوسم ( هي معاك )
في داخلي صرخة ألم
معقوله وبـ ( عيني ملاك )
مليون / سين ؟ / بخاطري
من هو قبل من هو خذاك ؟
من جرحي اضويتو شموع
من آه ِ غنيتو ( غلاك )

خلك معاها وأوعدك ..
باجر تخليك لـ هذاك
ماكان ودي أصدمك
قلت أختصر لك ماخفاك !!

.
.

أنا وأنت أنحبها !!
والحين آنا بنسحب
قصه حزينه وأنطوت
( جففت دمعي اللي كتب )
ن


Saturday, January 15, 2011

غلطت بحقي , وانصفتك !

بنزف / La5tawena | عدل الصفحة
.
.






علي غلطان ,
…… وانا اللي لازم اتأسف !!
وانا اللي لازم أستسمحك … لاني منك اتألمت !
لاني كان في ظني .. يحق لي مره بس ازعل !!
يحق لي مره بس ابجي
وعن دموعي تجي تسئل ! ..
اما انت … لاتهتم ..
اجرحني ولا جنّي … أعيش بـ عالمك أنسان
تعبت اموت واتأسف .. ورغم الموت انا الغلطان !!
نسيت إني ومهما ” طلت
…………………. تبقى الصوره للجدران !

.
.

زعلت ورحت … وقلت انه بـ يراضيني
على نياتي حدي كنت …. ابرضى لو تناديني !
واثاريني , عليك ارخص ..
………………………………. حتى ماتناديني !!
وانا اللي انت لو تبجّي …
افجر لك نبع عيني !
ولو تزعل علي لحظه …. اكرّه كل مافيني
ذنبي بس احبك موت … وخايف لا تخليني !

انا غلطان مو غلطان ! ماتفرق !! بآخر شي … أنا اللي دوري اتعذر … وانته اللي تجافيني !
علي غلطان ,
وانا اللي لازم اتأسف !!! ولا احلم تراضيني !! ..

.
.

كنت أحبك وأنجرحت !
……………………. ما أسامح
لو بجيت بـ دم قلبك , وأعتذرت
……………………. ما أسامح
……….. ما أسامح .. ما أسامح ..
انته تجرح ماتحس … وماتبي مني أحس ! بس تبي اسكت واصالح !
كافي صج والله تعبت ..
انته مستخسر علي .. كلمة آسف لي زعلت !
انجرحت مليون مره .. بس ولا مره عتبت ..
ماتركت لـ حزني دمعه … كلي لـ رضاتك ذرفت !
ماغلطت وكنت اخافك
وياما في حقي غلطت !

انساني وانا بنساك …
ولحد اهني وبس كافي …. خلنا نبتعد كافي ! ونذكر بعضنا في خير ..
………. ونذكر حبنا في خير ….!

.
.

علي غلطان ,
…… وانا اللي لازم اتأسف !!
لا والله ….
انا اللي لازم اتحسف ! غلطت بحقي وانصفتك ! ..
غلطت بحقي
………॥ وانصفتك !

.
Friday, August 27, 2010

كان لي موعد جميل ..... !

بنزف / La5tawena | عدل الصفحة
.
.





كان لي موعد جميل ..... !
أجمل أجمل من حياتي كلها ...

كان كل الكون بيدي ... وشفت كل الناس ( انت )
........................................ كان لي موعد جميل !


جيت مسرع ........
أسرع .. أسرع ... من عيوني !!
حتى شوفي ماسبقني , ومن جنوني ...
............. كنت اسولف مع جنوني / عن جنوني !
جيت أسرع من طيوفي .. لما في بالك تمر !!
من خيالك لو يمرني ...

جيت أسابق خطوتي .. ودقات قلبي .. / ساعتي ...
زحمة الشارع وصدري .. ولهفة أنفاسي عليك !

جيت ( من كل شي / أسرع )
حتى قبلي , ما أبي أوصل أنا ..!!!

........................................ كان لي موعد جميل !
وله وصلت
.... انتظرت
كنت أحس إني ذبحت .. / الوقت كله
كنت أحس إني ملكت .. الكون وأكثر !
................................ انتظرت ..!!
باقي بس " لحظه " وتجيني ..
كان بيني وبين حلمي بس " خطوه "
................................... وتلتقيني !
كان فيني الصبر , جمره
... ورغم مُره
استلذيت انتظارك ... .../ وأنقتل , موعدك فيني ..!
ثاني مره ... لا بغيت تبّجي عيني
لا تواعدني وأجيك ...!
بجّني وآنا فـ مكاني ...!!
مابي أصعد للسما ... واكتشف إني اطيح ... بلا طموح ولا أماني ..!
بجْنّي وآنا فـ مكاني ...!!
مابي أكره رحلتي لك .. لو أحبك من بعيد ..!
لو يصير الشوق " كلمه " .. / كلمه من وهم وجليد ..
خايف أكتشفك وأقرب ..
وخايف أكثر ما عرفتك !
الأكيد اني انتظرتك ..
شي منك ... ماعرفته من قبل ..!
واحتضرتك ..
واحتضر موعدك فيني ..
وسارت الخطوه حزينه ... انت وينك وآنا ويني ..؟
ثاني مره ... لا بغيت تبّجي عيني
لا تواعدني وأجيك ...!
بجّني وآنا فـ مكاني ...!!
................ وخل أحبك من بعيد ,
وخل أحبك من بعيد
Friday, May 7, 2010

شنو يعني معاي عيون .. !؟

بنزف / La5tawena | عدل الصفحة
>






خذ عيوني ...
أنا اتألمت من كوني ( أعز إنسان , مايشوفك ! )
انا أتحطمت من وضعي , معاي عيون !!
كرهت النور ..
غرامك .. دمعه من عينك .. وشهقه .. وكلمتين شعور
وشوقك ماتعدى حلم ../ وأنا أحلامي زحمّها الدور ..
كرهت النور , ...... صدقني
شنو يعني معاي عيون !؟
اذا فتحت ماشوفك ... اذا غمضت ماشوفك ..
تخيل أنت حرمانك !!!
وتخيل وشكثر أشتاق !
وبس الدمع بـ عيوني
.................................................. ...... خذ عيوني !
أنا مليت من كوني بدون عيون ..!!!


بكره العيد
باجر عادتّي وياك . ... عطني إييْد .. وهذي إييْد ..
نجي نذبح هدايا العيد !!
داري مقبرة سلسال .. باقة ورد ... قلم .. وعطور ..
داري ملحمت عيني .. وريحة شوق .. وموت شعور !
بكره العيد
باجر راح امّثلك ... ( انا فرحان ) ..
ولو أن موعدي ميّت !!
( تعيد العيد ) .. ( عيدك عاد ) .. ( حبيبي زانت اعيادك )
وإذا حسيت في صوتي ... حزن واكثر !
عشاني لا تقول اشفيك !؟
................................... فيني انته مو أكثر ...!!
عادي لك عمر / انطر .. .. وأذبح كل سنيني فيك !
عشاني لا تقول اشفيك !؟
وعيش العيد متهني ..
وجدامك انا أغني !
وراح أرجع مثل كل عام ..
أسير لـ غرفتي الظلمه ..!!
أمل لكن , خسر حلمه ...
شنو يعني معاي عيون !؟
.................................................. ...... خذ عيوني !
أنا مليت من كوني بدون عيون ...!!!


>
>


Wednesday, March 3, 2010

شيفيد , عني لو دريت .. !؟

بنزف / La5tawena | عدل الصفحة
.
.


.
.

....... )
أنت أقرب شخص لي
.... بس أبعد شخص أنت
) ...... !!!

كنت تفهم كل سكوتي ..... شوف .. دقق .. قلت " كنت " ..... !!
أدري يمي ... قريب مني ... بس عني , مادريت ....

ليش أحسنّي لا بجيّت
عندك , ... ولاجّني بجيت !؟
ليش تستسخف دموعي ... او تواسيني بـ كلمه ؟؟
وين خوفك ؟
وين حضنك ؟
وين إييدك ؟ ... وين صدرك .. ؟
...... فــــيــــــك , وين اللي هويت !؟
أدري يمي ... قريب مني ... بس عني , مادريت ...


محتاج تتفهم شعوري ... !
لو تشوفه انت تافه .... المهم انه شعوري ... !!
بـ خاطري مثلي تحسه
بي تعيش الدور , دوري !
مابي جوري !! ... بس أبي منك تحس فيني ! ..... وتتفهم شعوري
إيــه , أبشعر بك / بـ قربك
.. في عيونك .. أقرا حبك ..
حتى كفك .. من عقب ماهي دفى ... !!
ضمها ..! , وأحكم بـ نفسك
بس أبيك ألقاك فيك
أشتكيلك لو عليك
أدري يمي .. قريب مني ... بس عني , مادريت ..


كنت أسكت ما أسولف
وأنت تفهم كل سكوتي
صرت ألم حروف صمتي ... وأعتصرها لك , كلام ... !!
مابقى بالصوت حرف .. ماصرخته لك بـ صوتي !!
..... ياللي تفهم كل سكوتي
ماتت حروفي بـ تعال
وعاش وسط الصمت , موتي ... !
ادري يمي ... قريب مني ... بس عني , مادريت ..


ليش لما أحنا أقتربنا
أغتربنا عن بعضا .. !؟
آآآآآآه .. يا إحساسي هذا ...... مو طبيعي اللي , وصلنا !
تخاف مثلي ؟
أو تحس , .... لو قلت ضعنا ؟؟
الجفاف بكل مكان ... بردنا في كل مكان
لو تضم أشلاء جسمي ... / حضن , ناقصْك وحنان !
لا الزويا .. كـ الزوايا ... ولا الشموع .. مثل الشموع
ادري تشعلها عشاني ... بس , مو نفس الشموع ... !
كافي عذبت الهدايا
انته احسك مو معايا
أدري يمي ... قريب مني ... بس عني , مادري ...


والله مابي أجرحك .................. !!
تكفى آسف ... بس خايف ... من شعوري , وأسئلك ....!!

أتحبني !؟

( انت متوهم تحب ) ..... !!!
يمكن أنت تعزني ِ ... !!
يمكن أنك عشت نزوّه ... أو غلطه , فيها بس عيْشتني
قول ومني , فْكني
صدقني أصعب من قراقك ../ قربك اللي هدْني .... !!
وإني منك / لك بجّيت
ومن عقب صمتي حجّيت

مادام أنت ماتحسني .. !!

شيفيد , عني لو دريت .. !
شيفيد , عني لو دريت .. !
شيفيد , عني لو دريت ..!؟


. .