Saturday, December 22, 2007

لـيـلـه طـويـلـه ..!

بنزف / La5tawena | عدل الصفحة


شيء عــابــر ............................
ياليل خْلص !! ... لي متى دنيتي ليل !؟
احس كل اللي " أحس " ينطر الصبح ...!!
لو كان باقي للصبر , بس منديل
ماشفتني خليت بـ عيوني الجرح ....!!
حاولت استوعب ( شبر ) صدمة
( الـــــمـــــــيـــــــــل )
يمكن ألاقي أي سبب يعذر , الأح ....!!
دورت فيني ( جزء ) ..., ولو اقدر آشيل
شلت الظلام اللي سكبته علي , صح ...!!
غمضت ,
ابهرب ,
ظلمتك ,
كلها , ويل
فتحت لكن , سال من عيني الملح ...!
حاولت انامك .. ماحصلي , محاصيل
فيك السهر .. شيْد على عيني الصرح ...!!
ياليل خلْص
مابقى بالسهر حيل
أحــــس
كل اللي أحــــس
يــنــطــر الــصــبــح ......!!!!!
..
.
Sunday, December 16, 2007

رحـلـه مـتـعـبـه ..!

بنزف / La5tawena | عدل الصفحة



















رحلتي متعبه معك
ليس لها ملامح , ولا وصول
لا أدري الى اين ترحل بي , لكني متعب
وسئمت ُ المجهول ...!
تطوف على جميع البحار تاركا ً الاف المرافئ .. تحتضر أمل الوقوف
تمر على شواطئ الجزر
واحده تلوى الآخرى
ولا تنوي الوقوف
الى أين ترحل بي !؟
كل الطرق قد سُلكت
والمضائق كلها عُبرت
اتراك مثلي لا تعلم !؟
الى اين نمضي ...!



أحبك ولست آبه بـ نهايات الأمور
فـ حق تقرير المصير انت وحدك من يملكه
فلو كان البقاء على حبك موتا ً شاهقا ً , سـ أعتليه ..!!
الى أن اصل بك الى قمة الموت , لـ أحبك
فلا يزعجك تذمري وسُئمي .. , دوار البحر غيْبني ..!
وماكنت إلا مترجما ً لـ شراعك ومجدافك وطاقمك .. الذي تأخذه الى حيث لا تعلم ..!
اسئل خارطتك .. بوصلتك .. طائر البحر القابع على مقصورتك
كم من الأيام الجميله اجتزناها بـ هدوء !؟
وكم من حرائق الشوق اخمدناها بالثلج !؟
وكم سنرحل الى المجهول !؟
حاملين آمالا ً واحلاما ً قابله للتحقيق .. تركُنها انت في دائرة ( القادم اجمل ) , .. ونجهل القادم .. / في ترك الجميل ...!
تتشكل غيوم السماء من بخار البحر ..!
ويتزاحم بعضها ( الحديث التكوين ) على بؤرة صدري , فيكون الاختناق مؤلم
اجتر الانفاس من اعماق اعماقي ...
الهث الى القبوع في حنجرتي محاولا ً ابقاء روحي في داخلي ومنعها من الخروج
بعد ان فارقت صدري من هول الاختناق ..!
احاول أبقائها ولو لـ لحظات , علي ْ ألفضك آخر حرف ٍ .. يخرج مع روحي ...! ومنها ..!!
قبل الموت أو بعده , اخبرني الى اين نمضي !؟
هي امنيه لا أكثر ..
ولا خيار لي إلا أن اتبعك


أتعلم مالذي يؤلمني !؟
أنني أسير ُ معك على نفس المركب واشاركك الرحله المجهوله التي تقودني إليها
وانا لم ألتقي بك بعد .. على متن هذا المركب ...!
فأن كنت تأنف الجزر والمرافئ والشواطئ
ولا انا اراك هنا ..!
فـ متى الوصول إليك !؟
والخلاص من المجهول



لم تكن الرحله طويله
او لم تكن هنالك رحله
فمامن رحله متعبه .. تمقت الوصول ...!



.. /



أحبك ولست آبه بـ نهايات الأمور
فـ حق تقرير المصير انت وحدك من يملكه

فقط أحبك ..!
Friday, November 9, 2007

برد مؤلم ..!!

بنزف / La5tawena | عدل الصفحة

ياطول الليل
وسهر الليل
في (برد ) الشتا , وسهيل
انا الأفكار تاخذني ...
من أول هم
لـ آخر ويل !! , ياطول الليل



برد الليل يشبهني
سكونه يغار من صمتي
وبـ عيني تسكن العتمه
ظلمه غيرها ماشوف
يكون اسمج على لساني ... وعلى شفاتي تموت حروف ..!
ما أنطق ! .. أبتكلم !! .. ما أقدر
أناديلج .. أحس بـ خوف
اقول ملهوف ما أسمع
ولا أنتي !!! , أحس بـ خوف
ابي اكتب حروف أسمج .. ادّور ماني لاقي , الشوف ..!!
ولا يبقى لـ شعوري شي
غير الخوف

بس الخوف ..!!!





كل شي يمنعني عنج ..!!
من يقول بس المسافه !؟


( أو )
.
.

فيني شي يمنعني عنج ..!!
ماعرفته , بس أخافه ..!!!

ماعرفته , بس أخافه ..!!!

ماعرفته

بس أخافه ..!
Wednesday, August 22, 2007

لــ إمرأه ..!!

بنزف / La5tawena | عدل الصفحة



يااااه
قولي كيف ابدى معاج !؟
يااااه

ذنبي ُمظلم في سماج
آنا اخنتج .. وآنا آسف ...!
وادري عذري مايفيد ..
كان همج .. غير همي .. همي بس ابقى سعيد
وكان همج .. اني اوصل .. عقبه اوصل .. اوصل .. اوصل
وكان همي لمن اوصل .. اوصل لـ مجدي وحيد ... !!
شفتي آنا شلون تافه !؟
وإني ما أملك مشاعر .. وإني أحقر من عليها
وإني نار ٍ محرقه ..!
أن ماحرقتج جمرتي .. أبحرقج كلي أكيد
يااااه .. ليش انا خونت فيج !؟
ليش انا خونت فيج !؟ ..
لأ .. لأ .. لا تقولين أي كلمه .. !

لأ .. لأ .. مقدر أسمع .. , تقتليني !



أنت .. أنت الذي علمتني صدق المحبه والمحب )
من بعد هذا للأسف .. لما أراكَ خنتني ؟
لما إذا ً منيتني .. بأنني .. بأنني ..
رخيصة ٌ أنا عليك .. لما إذا ً أغويتني ؟!
( لا تعتذر فـ لن تجد مني سوى ..
ضيعتني .. ضيعتني ..



.. ليش قلتي ؟! .. دام قلتي .... !
انسي كل افراح عمري .. واجرحيني
وشتتي كل ذكرياتي .. شتتيني ..
وضيعيني بكل جهه .. وتوهيني بكل جهه ..
بعدها ارمي امنياتي .. ولا تحنين لـ حياتي !!
لو أنا في قلبي خير .. ماتركتج للضياع
لو أنا في قلبي خير .. ماوهبتج للجروح
لو أنا في قلبي خير !؟

( جان تذكرتج بخير !! )


( شفتك كثير تخونني .. وآتغيشم !
عيني تقول انته .. وانا اقول مو هو !!
رضيت لـ جلك في حزن عمري والهم
جذبت عيني لـ خاطرك انت ياهوو
)


آآآآهـ
كنتي شمعه تحترق لين أفرح بالنجاح
وكنت سافل ما أقدم غير في ظهرج رماح
وكنت جاحد .. تضحياتج آنا اجازيها بـ جراح !
اقتليني .. اقتليني .. واقطعي فيني وريدي
( ماظلم أحد ٍ أحد إلا وربي ينصره )
( والجزا جنس العمل .. والجزا جنس العمل )
صدقيني مهما انتي اتعذبيني ..
ماذبحني غير كلمه .. بـ حسرتج قلتيها فيني ..
( ضيعتني .. ضيعتني .. )
..
.





Friday, August 10, 2007

مجنون أودع ناظري !؟

بنزف / La5tawena | عدل الصفحة



سافري !
لو كان في بُعدج تعب .. ولو كان ماهو بـ خاطري !
( الله كتب , إني أحب ) ..!
وتسافري ..!!
عندي طلب !
روحي بهدوء !..
مافيني اصلا ً لج دموع / ... اذرفها لما تغادري ..!
ولا تناديني تعال ..!
وماني قايل لج وداع
( مجنون , اودع ناظري !؟ )
صدقيني لما تسافري ..
مايحس الا انا ! ... ومايضيع الا انا ! ..
من اولي لين آخري
جنه الصبر مخلوق لي !! .. او انا مخلوق له
والغياب اللي خذاج ..خلاني وحدي بـ حاضري !



يومين باقي لـ رحلتج ! ويومين باقي لـ رحلتي ..!
يومين وتروحي لـ مكان ... غير المكان ودنيتي ..!
ادري اشتياقج لي كبير .. وادري احتياجي لج كثير
وادري بـ عيونج دمعتي !
وادري بأني مادريت !! ان السفر حده حزن .. حده ألم ..
وإن الوطن هو
( غربتي ) !!
وإني أنا ماهو أنا ! ... مفقود من شخصيْتي !!


ابنطرج .. !
وكل هذا الكون والله ... مايساوي في غيابج
غير إني , انطرج !!
وماتحرك من مكاني ... غير لما استقبلج !
واستأذنج بآخر طلب !!
لي بغيتي تسافري
لا تناديني تعال .!
وماني قايل لج وداع ..!
مجنون , أودع ناظري !؟

Thursday, August 9, 2007

سـمـو الأرض

بنزف / La5tawena | عدل الصفحة
بسم الله الرحمن الرحيم
من يومين تقريبا ً وانا اشتغل على هالبلوق
واتمنى ان شاءالله انه يعجبكم وتشاركوني فيه
وبإذن بالله مع الوقت راح اطور فيه اكثر واكثر
: )
واول ما أفتتح فيه بعد ذكر الله
اهي رسالتي لـ ابونا جابر الأحمد رحمه الله



أتيت لـ أخط رساله من أبن ( ميت ) لـ أب ( يحيا ) في قلوب الجميع
أبي
( أنا أفتقدك )
أعذر دموعي وعدم ترتيبي لـ نفسي لـ وقارك .. أنا فعلا ً أفتقدك
……………………………
……………………
………….
أقسم بالله الذي أماتك وسيميتني من بعدك أنني أعجز عن خط رسالة ً لك !
..!أنت الذي لا يشبهك أحد … فقط أنا أفتقدك .
..
.
لو المنيه
( تمتلك ذرة أحسان ) !
لـ انام فيها بسسس
( اتقوم ليتك )
تعبت أعيشك .. وأنت ميت .. وانا أبيك : (
تعبت أبيك ..
( وأنحرم ما أعيشك )
تعبت ادورني وأنا عايش ٍ فيك !
تعبت ألقاني وأنا مالقيتك : ( !!
تعبت أجذبني .. ومرفوض صجي
وللحين أرددها
( عسى الله يخليك ) !
تموت .. لكنك ( هُنا ) تعيش
( خالد )
في كل ليله آتحلمك وآجيك !!
في كل ليله آتلحفك وأبجي
وأصْبح وأطالع صورتك وأرجع أبجيك
وأنقز وأضمك وأشتهي بس أبوسك
وأعذب الصوره ( قُبْل ) وأصرخ أشفيك ؟!
.. أتعبت نفسي .. لأ ..
( حيلي بنفسي )
يابوي جابر مابي نفسي !!
( أنا أبيك )!
يابوي تدري .. شنهو اللي يعزي ؟!
اني ( أنا وانته واهي ) صنع اياديك ..
ويابوي تدري .. شنهو اللي يشرف ؟!
( شعبك بعهدك )
يفتدي تراب رجليك ..
أنت الأبو يوم الأبو لاهي هناك !
وانت الأمومه يوم هالأم تلهى !!
يابوي .. ياكلي .. وياكل كلي
!دنيا عقب فرقاك بتراب تسوى ..
.
la5tawena