Saturday, December 22, 2007

لـيـلـه طـويـلـه ..!

بنزف / La5tawena | عدل الصفحة


شيء عــابــر ............................
ياليل خْلص !! ... لي متى دنيتي ليل !؟
احس كل اللي " أحس " ينطر الصبح ...!!
لو كان باقي للصبر , بس منديل
ماشفتني خليت بـ عيوني الجرح ....!!
حاولت استوعب ( شبر ) صدمة
( الـــــمـــــــيـــــــــل )
يمكن ألاقي أي سبب يعذر , الأح ....!!
دورت فيني ( جزء ) ..., ولو اقدر آشيل
شلت الظلام اللي سكبته علي , صح ...!!
غمضت ,
ابهرب ,
ظلمتك ,
كلها , ويل
فتحت لكن , سال من عيني الملح ...!
حاولت انامك .. ماحصلي , محاصيل
فيك السهر .. شيْد على عيني الصرح ...!!
ياليل خلْص
مابقى بالسهر حيل
أحــــس
كل اللي أحــــس
يــنــطــر الــصــبــح ......!!!!!
..
.

10 تعليقات


  1. LaDY RaiN says:

    لليل أحبك،
    ما بقى في السما نور
    وإلا ضواني الليل لـ الصبح احبك.

    لوحة رسمت بـ أرق وتعب وبقايا عيون.
    قلق عابر، سـ يلازمنا بـ شعور جميل، جميل جداً.

    روعة كـ العادة :-)

    December 22, 2007 at 7:37 PM

  2. ZoZOta says:

    الله

    الله

    الله

    فعلا ممتع ومختلف

    تونى اكتشف مدونتك

    بس اكيد ما راح تكون آخر زياره

    December 28, 2007 at 12:16 AM

  3. Anonymous

    مابقى بالسهر حيل
    حتى عيوني غَمضت
    لكنها عيّت تنام

    تخاف لو أنها غفت
    يجي طيفك
    أو يرجع ويتغنى
    حولها احساس الغرام

    تخاف لو لحظة تطوف
    دون ما تتخيلك
    وتكون هاللحظة حرام !

    مابقى بالسهر حيل
    ولا حتى بالحيل حيل !
    من بعد ما راح حبك
    ما بقى في حياتي
    غير آهٍ تمليني ويل !!


    ,
    ,

    b6h


    بلا حدود , تُبحر , تُمطر , وتنهمل شِعرًا
    فنكون هناك معك على الموعد , نقتفي الأثر

    January 6, 2008 at 7:28 AM

  4. ذات عقل خشبيّ says:

    حــاولت


    أستثيــر الحرف فيني

    وأنــزف وراك بدل هذي الدمــوع


    وعيــا الحرف يطيع ويستمع

    وحـــاولت أستثيــر الشيـاطين بين نفسي و بيني


    ولكنّهــا طفّت بي أبيــات شعــر وشمـــوع



    وعيّــا الليل لا ينثني أو يمتنع !


    وما تذكّرت أو ما شــافت

    من ورا الدمع عيني غيـــر :


    شرود دائم , فوضويه .., وأمنيه لا أحققها !



    فعلاً مختلف لا خطــاوينا

    هذا الحزن إن كــان فيك أو مجرّد تكتبه


    يوصلنا ويعبرنا ويحفرنا !


    تحيّة ..

    January 26, 2008 at 12:27 AM

  5. `~MnO YeNSa! ~` says:

    كلمـــــــــــات حيل حيل حلوة روعـــة مشالله

    January 29, 2008 at 1:48 PM

  6. الوجد says:

    كثير حلو الكلمات



    روعه روعه روعه

    February 14, 2008 at 2:43 PM

  7. qesat_5ayal says:

    كم أحسست بتلك اللحظة
    كم أيام جاورتني تلك الجملة

    صحيح

    تحس كل اللي تحس ينطر الصبح


    كلامك جميل
    حساس
    ناعم


    دمت بخير أينما كنت

    March 1, 2008 at 7:21 PM

  8. حنين

    أحببت دعوتك إلى إحتواء

    http://www.e7twa.com/vb/index.php

    March 25, 2008 at 6:24 AM

  9. 5roofa says:

    :'(

    امبي روعة والله تسلم ايدك

    salamz dear...

    April 20, 2008 at 10:55 PM

  10. Barrak says:

    ياليل خلْص
    مابقى بالسهر حيل

    جميل هالمقطع

    April 21, 2008 at 2:30 PM