Friday, May 7, 2010

شنو يعني معاي عيون .. !؟

بنزف / La5tawena | عدل الصفحة
>






خذ عيوني ...
أنا اتألمت من كوني ( أعز إنسان , مايشوفك ! )
انا أتحطمت من وضعي , معاي عيون !!
كرهت النور ..
غرامك .. دمعه من عينك .. وشهقه .. وكلمتين شعور
وشوقك ماتعدى حلم ../ وأنا أحلامي زحمّها الدور ..
كرهت النور , ...... صدقني
شنو يعني معاي عيون !؟
اذا فتحت ماشوفك ... اذا غمضت ماشوفك ..
تخيل أنت حرمانك !!!
وتخيل وشكثر أشتاق !
وبس الدمع بـ عيوني
.................................................. ...... خذ عيوني !
أنا مليت من كوني بدون عيون ..!!!


بكره العيد
باجر عادتّي وياك . ... عطني إييْد .. وهذي إييْد ..
نجي نذبح هدايا العيد !!
داري مقبرة سلسال .. باقة ورد ... قلم .. وعطور ..
داري ملحمت عيني .. وريحة شوق .. وموت شعور !
بكره العيد
باجر راح امّثلك ... ( انا فرحان ) ..
ولو أن موعدي ميّت !!
( تعيد العيد ) .. ( عيدك عاد ) .. ( حبيبي زانت اعيادك )
وإذا حسيت في صوتي ... حزن واكثر !
عشاني لا تقول اشفيك !؟
................................... فيني انته مو أكثر ...!!
عادي لك عمر / انطر .. .. وأذبح كل سنيني فيك !
عشاني لا تقول اشفيك !؟
وعيش العيد متهني ..
وجدامك انا أغني !
وراح أرجع مثل كل عام ..
أسير لـ غرفتي الظلمه ..!!
أمل لكن , خسر حلمه ...
شنو يعني معاي عيون !؟
.................................................. ...... خذ عيوني !
أنا مليت من كوني بدون عيون ...!!!


>
>


4 تعليقات


  1. Q8-Butterfly says:

    شنو يعني معاي عيون !؟
    اذا فتحت ماشوفك ... اذا غمضت ماشوفك ..

    وااو وايد عجبني المعنى ماشاء الله,, حلووة كتاباتك ,, عساك عالقوة

    May 7, 2010 at 4:36 PM

  2. Anonymous

    كتبااتك جميييييييييييله
    استمرر
    متابعينك

    May 16, 2010 at 10:50 PM

  3. aL-NooR . says:

    لما اييني شعور الكتابة
    استمتعت زيارتي لك ..
    و لماضي كتاباتك
    تستفزني لدرجة ما تتخيلها
    تستفزني بصورة حلوة للكتابه

    تذكرني بالبدر .. فايق
    شي راقي
    ما شاء الله





    على الهامش
    تعرف شعور ان الوزن و القافية تلحقك
    الحين انا و انا اكتب التعليق
    i feel it
    :)

    May 27, 2010 at 10:23 AM

  4. Anonymous

    للاسف لكن هذا الحال مركب من العالم الغربى لكسر الاسلام وضياعه \\\\ انما الامم الاخلاق التوقيع عادل فلسطين

    May 20, 2013 at 5:46 AM