Friday, August 27, 2010

كان لي موعد جميل ..... !

بنزف / La5tawena | عدل الصفحة
.
.





كان لي موعد جميل ..... !
أجمل أجمل من حياتي كلها ...

كان كل الكون بيدي ... وشفت كل الناس ( انت )
........................................ كان لي موعد جميل !


جيت مسرع ........
أسرع .. أسرع ... من عيوني !!
حتى شوفي ماسبقني , ومن جنوني ...
............. كنت اسولف مع جنوني / عن جنوني !
جيت أسرع من طيوفي .. لما في بالك تمر !!
من خيالك لو يمرني ...

جيت أسابق خطوتي .. ودقات قلبي .. / ساعتي ...
زحمة الشارع وصدري .. ولهفة أنفاسي عليك !

جيت ( من كل شي / أسرع )
حتى قبلي , ما أبي أوصل أنا ..!!!

........................................ كان لي موعد جميل !
وله وصلت
.... انتظرت
كنت أحس إني ذبحت .. / الوقت كله
كنت أحس إني ملكت .. الكون وأكثر !
................................ انتظرت ..!!
باقي بس " لحظه " وتجيني ..
كان بيني وبين حلمي بس " خطوه "
................................... وتلتقيني !
كان فيني الصبر , جمره
... ورغم مُره
استلذيت انتظارك ... .../ وأنقتل , موعدك فيني ..!
ثاني مره ... لا بغيت تبّجي عيني
لا تواعدني وأجيك ...!
بجّني وآنا فـ مكاني ...!!
مابي أصعد للسما ... واكتشف إني اطيح ... بلا طموح ولا أماني ..!
بجْنّي وآنا فـ مكاني ...!!
مابي أكره رحلتي لك .. لو أحبك من بعيد ..!
لو يصير الشوق " كلمه " .. / كلمه من وهم وجليد ..
خايف أكتشفك وأقرب ..
وخايف أكثر ما عرفتك !
الأكيد اني انتظرتك ..
شي منك ... ماعرفته من قبل ..!
واحتضرتك ..
واحتضر موعدك فيني ..
وسارت الخطوه حزينه ... انت وينك وآنا ويني ..؟
ثاني مره ... لا بغيت تبّجي عيني
لا تواعدني وأجيك ...!
بجّني وآنا فـ مكاني ...!!
................ وخل أحبك من بعيد ,
وخل أحبك من بعيد

5 تعليقات


  1. جنون الصّمت says:

    ثاني مره ... لا بغيت تبّجي عيني
    لا تواعدني وأجيك ...!
    بجّني وآنا فـ مكاني ...!!

    * * *

    حبيتها حيل : )

    استمتعت جداً في روعة النص

    فـ شُكراً ^^

    August 27, 2010 at 8:03 PM

  2. L.

    لا خطاوينا
    انت تترك لي في كل شي تكتبه طعم احبه
    :)
    شكرا

    August 29, 2010 at 1:32 AM

  3. الخنساء says:

    مشاعر جياشة تلتهب هاهنا :)

    جميل

    سلم قلمك

    الخنساء

    September 3, 2010 at 8:36 PM

  4. Noonaa85

    اخوي لا خطاوينا
    كالعادة يتوقف كلامي عند روعتك كلماتك

    تصدق لما اقرا لك شي اقراه شوي شوي

    وأعيد الجملة كذا مرة

    كل هذا عشان أحاول أطول بالنص كثر ما اقدر : )

    واختمها كالعادة

    مبدع ماشاءالله عليك

    أخيتك
    Noonaa85

    September 29, 2010 at 5:46 AM

  5. كوب نسكافيه says:

    راااائع .. أكثر من رائع
    كلمة رائع قليلة جدا أمام حجم جمال النص
    مؤثر جدا

    June 15, 2011 at 1:16 PM