Wednesday, March 3, 2010

شيفيد , عني لو دريت .. !؟

بنزف / La5tawena | عدل الصفحة
.
.


.
.

....... )
أنت أقرب شخص لي
.... بس أبعد شخص أنت
) ...... !!!

كنت تفهم كل سكوتي ..... شوف .. دقق .. قلت " كنت " ..... !!
أدري يمي ... قريب مني ... بس عني , مادريت ....

ليش أحسنّي لا بجيّت
عندك , ... ولاجّني بجيت !؟
ليش تستسخف دموعي ... او تواسيني بـ كلمه ؟؟
وين خوفك ؟
وين حضنك ؟
وين إييدك ؟ ... وين صدرك .. ؟
...... فــــيــــــك , وين اللي هويت !؟
أدري يمي ... قريب مني ... بس عني , مادريت ...


محتاج تتفهم شعوري ... !
لو تشوفه انت تافه .... المهم انه شعوري ... !!
بـ خاطري مثلي تحسه
بي تعيش الدور , دوري !
مابي جوري !! ... بس أبي منك تحس فيني ! ..... وتتفهم شعوري
إيــه , أبشعر بك / بـ قربك
.. في عيونك .. أقرا حبك ..
حتى كفك .. من عقب ماهي دفى ... !!
ضمها ..! , وأحكم بـ نفسك
بس أبيك ألقاك فيك
أشتكيلك لو عليك
أدري يمي .. قريب مني ... بس عني , مادريت ..


كنت أسكت ما أسولف
وأنت تفهم كل سكوتي
صرت ألم حروف صمتي ... وأعتصرها لك , كلام ... !!
مابقى بالصوت حرف .. ماصرخته لك بـ صوتي !!
..... ياللي تفهم كل سكوتي
ماتت حروفي بـ تعال
وعاش وسط الصمت , موتي ... !
ادري يمي ... قريب مني ... بس عني , مادريت ..


ليش لما أحنا أقتربنا
أغتربنا عن بعضا .. !؟
آآآآآآه .. يا إحساسي هذا ...... مو طبيعي اللي , وصلنا !
تخاف مثلي ؟
أو تحس , .... لو قلت ضعنا ؟؟
الجفاف بكل مكان ... بردنا في كل مكان
لو تضم أشلاء جسمي ... / حضن , ناقصْك وحنان !
لا الزويا .. كـ الزوايا ... ولا الشموع .. مثل الشموع
ادري تشعلها عشاني ... بس , مو نفس الشموع ... !
كافي عذبت الهدايا
انته احسك مو معايا
أدري يمي ... قريب مني ... بس عني , مادري ...


والله مابي أجرحك .................. !!
تكفى آسف ... بس خايف ... من شعوري , وأسئلك ....!!

أتحبني !؟

( انت متوهم تحب ) ..... !!!
يمكن أنت تعزني ِ ... !!
يمكن أنك عشت نزوّه ... أو غلطه , فيها بس عيْشتني
قول ومني , فْكني
صدقني أصعب من قراقك ../ قربك اللي هدْني .... !!
وإني منك / لك بجّيت
ومن عقب صمتي حجّيت

مادام أنت ماتحسني .. !!

شيفيد , عني لو دريت .. !
شيفيد , عني لو دريت .. !
شيفيد , عني لو دريت ..!؟


. .

7 تعليقات


  1. Arweena says:

    ياللي تفهم كل سكوتي }
    ماتت حروفي بـ تعال


    فقط ../ راائع =)

    March 3, 2010 at 8:48 AM

  2. مزاجيه says:

    حضنتني حييييل مدونتج اسرتني بروعتها ودفاها ورقتها وهدوئها وحساسيتها وشفايتها حروفها ورد جملها بساتين نقطها فواصلها نقطها كالمطر** حبيتها** تسمحيلي مافارقها وكل يوم ادشها ...

    March 3, 2010 at 9:48 PM

  3. Anonymous

    حروفك تمتزج مع بعضها البعض
    و تكوّن عالم ملئ بمشاعر متناقضه
    جميلة لكنها مؤلمه


    لاخطاوينا...
    إلى متى ننتظر خاطرة جديدة

    March 30, 2010 at 8:56 AM

  4. Anonymous

    لا خطاوينا
    كنت اتابعك بمدونتك القديمه و قطعت فتره ظنا مني انك ماعدت تدون
    تدري اليوم بالغلط لاحظت ال Blog Roll
    و طرت من الفرحه

    الله يحلي مساك مثل ما حليت يومي :)

    April 18, 2010 at 12:56 AM

  5. La5tawena says:

    arweena
    الروعه .. كانت حضورك
    :)
    .
    .
    مزاجيه
    مشكوره اختي وتسلمين
    وسعيد جدا بهالكلام :)
    وتسعدني متابعتج وزيارتج
    .
    .
    Anonymous
    :)
    تلك المشاعر .. تقودنا احيانا
    الى اكثر منراعتناق الحروف
    والاعتقاد بقدرتها على انتشالها من لحظات قد نود الهرب على البقاء فيها

    سعيد جدا بقدومك
    وسؤالك :)
    واشتاق دوما لرؤيتكم هنا ..
    .
    .
    Anonymous
    باذن الله راح ابقى ادون
    وان شاءالله ما اقاطع وايد
    وعسى دوم يارب فرحانه :)
    وتقدرين تتابعين ايضا مدونة في المقهى
    فيها اكتب مع مجموعه رائعه من كتاب الخواطر
    .
    .
    الله آمين , واجمعين
    مشكوره :)

    April 21, 2010 at 2:54 AM

  6. كوب نسكافيه says:

    من أروع ماقرأت ..
    حقاً ..
    احساس صادق وشفاف ..
    ترجم كل المشاعر إلى كلمات
    صادقة ونابعة من قلب مخلص مجروح

    حقيقةً لا أعرف بماذا أًعلق ..
    سوى أن أبدي إعجابي الشديد بهذه الخاطرة

    February 7, 2011 at 10:46 PM

  7. كوب نسكافيه says:

    عودة مرة أخرى لتسجيل إعجابي بالكلمات

    بل لتسجيل انبهاري وعشقي لها
    فعلا من اروع ماقرأت
    .
    .
    .
    .
    .

    February 15, 2012 at 11:57 AM