Thursday, December 31, 2009

بدري ياخي ألحين جاي ... !؟

بنزف / La5tawena | عدل الصفحة
.
.
.





أنتهى المشهد !
وجاي تتفرج علي !؟
( تشوفني وشلون أبجي ؟ ) .. شكلي تافه !
وآنا في دور الضحيه .. وأنت في دور البطوله
وحلمي إللي لك رسمته
صرت مو قادر أطوله ..
/ مو مهم اللي أقوله .. ومو مهم اللي تقوله !
أنتهى المشهد خلااص ( وكل ممثل صفقو له )
بس أنا ماكنت أمثل
( عشت لحظاتي بـ طفوله ! )
عشت أيامي وفا .. وهانت أيامي بـ سهوله . .. مو مهم اللي اقوله .
.
.
قلتلي جاي أتأسف !
انته من صجك تكلم !؟
( عمري كله ضاع مني ) توك الحين أتحسف !؟

بدري ياخي !

بدري ياخي !

بدري ياخي ألحين جاي !؟
جاي تهدم كل حياتي ... وإلا بـ تزيد بـ ضماي ؟!

( أأأأ .. ... )

لحظه بس خلني أكمل ... خل أصور لك عناي
خل أوضح لك جروحي .. في مسلسل ( هاي .,. باي !! )
كنت أنا أعطي بروحي .. خاطري ( تبقى ) معاي
ولما تصرخ كنت أموت
وكنت أشيل الهم عنك !
كنت أظن أنك تحبني . ..
وإني آنا ( قطعه منك )
ومايهم إللي بذلته ... . . ( بس أبي تبقى معاي )
ولما صار الوقت ضدي
كنت أبي تاخذ بيْدي
كنت أنا أصرخ وانادي .. وأنت تقول ألحين جاي !!!

بدري ياخي ألحين جاي !؟

( أأأأأأأأ .. ... )
لحظه بس خلني اكمل !

عنْدمَا كَانَ اْلفُؤاد .. جُلَ نبْضَاتهَ أُحِبْك
لْم تْكُن أنَتهَ ياقاسي .. تحْمِلُ الْشوقَ بقلبِك
لْم تْكُن ولو لي ساعه .. بي تخافُ الله ربُك

وين أعذرك ؟!
وكل حياتي يا أخي ضاعت بـ غدرك !
وين أعذرك .. وآنا جيتك
كل هم الدنيا فيني
كنت أظن إني لقيتك .. وأنت تلقاني بـ ظهرك !
وين أعذرك ؟!
وكل حياتي يا أخي ضاعت بـ غدرك
ورحت أنادي بـ وقتها
قلت يمكني أهزك .. ( وين صدرك .. وين صدرك ) ؟
تكفى أحضني بموووت .. ليه ترميني في بحرك !
وين أعذرك ؟! .. وكل حياتي يا أخي ضاعت بـ غدرك !
كنت أتوسل حنانك
دمعي ذليته افمكانك !
وانت تقول ألحين جاي

بدري ياخي الحين جاي !؟

( أأأأأ .. .... )

لحظه بس .. مابي أكمل !
بس أبسئل ليش جاي ؟!
وإلا تدري ..
ما أبي منك كلام ... خلني بـ همي أنام
من هو مثلي .. هذا حظه ( كل صباحاته ظلام ! )
لي عندك .. بس شغله
شغله وحده بالتمام ...

/ تذكر أهدائي القديم ؟!!
كل أغاني ( عبدالكريم )
خلْها .. خذ شي واحد !
( شي منها بالصميم )
..
.
آآآه ياخيبة رجاي فيك .. لا حرام ماودي أدعي عليك

..
.

6 تعليقات


  1. Anonymous

    دائماً لديك القدرة على استثارة النبض وتحريك شيء ما قابع هناك منذ أزل...
    تكتب وكأنك تمرر قطعة ملح على جرح !

    مؤلم جداً ما ارتشفته هنا في هذا المساء الأول من العام الجديد..
    عسى أن يجعله خيراً مما رحل، وينور لك دربك بالفرح ويهديك راحة القلب.
    كل عام وأنت بألف خير.

    January 1, 2010 at 3:48 PM

  2. La5tawena says:

    كـ اصحاب السمو ... حضورٌ مهيب
    يربك من ينتظر ..ويكفيه !
    .
    .
    ممم قد تكون هنالك قدره في دواخلنا
    وانفسنا ومشاعرنا واحاسيسنا
    على استقطاب كل ماهو مؤلم
    ولو من بعيد !
    وذاكره شديدة الخصوبه لا تخشى الجفاف
    سرعان ماتترائى لنا وإن كنا في صخب !

    لا اعلم اهي شده الأحساس
    أم صدقه ووفاءه بالحزن
    ام رهافته
    أم هو فعلا ألم :)
    يمرنا كما غيرنا
    .
    .
    اللهم آمين , أجمعين
    شكرا للحضور / وللأمنيه
    وكل عام وإنتي بألف خير ..

    January 20, 2010 at 11:40 AM

  3. حالِمه .., says:

    لك حضور مختلف /

    January 20, 2010 at 4:17 PM

  4. مَطَرْ says:

    شرودْ
    من بين أقنعة هبوط مختلفة
    و اختناق
    و حشرجة دمع

    فطرٌ فولاذي
    يصقع الأمنيات
    جميلْ !

    January 26, 2010 at 9:58 AM

  5. aL-NooR . says:

    الى متى ..نتعطش حروفا كهده ؟


    بأنتظار
    **************

    March 2, 2010 at 1:14 PM

  6. كوب نسكافيه says:

    أسلوبكـ يُجبر القارئ أن بعيش الكلمات وآلامها وأناتها
    ولحظاتها ..
    فيـبكي معها ويتذوق حسرتها ..
    .
    .
    . مبدع

    February 18, 2011 at 3:42 AM