Friday, November 13, 2009

! ..... جيت متأخر كثير

بنزف / La5tawena | عدل الصفحة



من ينسيني أنا الماضي الأليم !؟

وكنت أظن أنك من عروقي , نبضت !
كنت أظن أنك على شاني أنولدت ..
وأثرك لـ غيري ... قبل مآنا ألتقيك ,
عشت حُبك .... ذاب قلبك ... وآنا توني ذبت فيك !
وألتقيتك .. / بس ادري مالقيتك !!
أو لقيتك ..
............... للأسف جرح وبقايا !!!
شي منك مو معايا .. وشي منك موت فيني !
وكل كلّك ........
..................... وسط ماضيْيك......., يعيش !!
م

يمكن إني قبل أعرفك
نامت كفوفه بـ كفك !
كان حلمك ...!
................. يمسح دموعك ... يلمك !
نزوتك ! ... دمك وهمك ... والملاذ اللي يضمك !
كنت تتمنى وصاله .. وكان اهو مثلك , يحبك ..
يمكن أنك عشت جرحه ...
او سهرت الليل لاجله
.................................. أو تشوفه ألحين فيني ..!!!!
وآنا اداوي جروح قلبك ..
والله مو ذنبي وذنبك
عشت عمرك .. ........ قبل أجيك ...
................................................ وجيت اكمل باقي عمرك !
ن

جيت مو آنا الوحيد !
جيت أنا حب ٍ جديد
فيك أجدد مامضى ......... ( سطر ) أحلا من القصيد ..!!
وكان قبلي .. فيك شوق
وكان قبلي .. فيك جرح
وكان قبلي فيك عشق ... من الوريد حتى الوريد !
م

لا تبررلي حبيبي ...
والله لو مهما تقول
ووالله لو مهما تسوي ...
نزف قلبي مايجف
ودمع عيني ماوقف
والتعب اللي بـ كياني .... ( كان قبلي شخص ثاني !؟ )
وصرت مدري .. وسط قلبك
هو مكانه ؟ ... أو مكاني

أدري والله تذكره !
قلتلي مره أشكره !!!!
وين كان ... شلون كان ... والزمان اللي قضيتم ..., والمكان !..
........... ( المكان ) اللي احتواه .. ومحتواني ...
والأمان اللي تحسه ... سهرتك .. رنة حبيبك ... والحنان !
رفجّتك !! .. لما عرفته ... عُقدتك , لكن عشقته ..
دمعتك ! ... ( موعد رحيله ) ... وانتظارك كل ليله .. والقدر وشلون خان ..!
كل تفاصيله معاك ... كل تفاصيله معاك ... كل تفاصيله معاك ..

للأسف جيت امتأخر
القدر أخْرني عنّك ... والقدر قربني منّك ...
............................ جيت متأخر كثير !!!
شي مكتوب وأحبك !
حتى من ( قبّلي ) أغير !! .... وآتعذب .. وآتألم .. حس تكفى بالمصير ...!!
ن

انت قلت ..
......... وآنا ذنبي إني سمعت ... كل تفاصيلك معاه !
م

وألتقيتك ... بس أدري مالقيتك !
أو لقيتك ...
للأسف جرح وبقايا ....
........ شي منك مو معايا ... وشي منك موت فيني !
وكل كلّك ........
..................... وسط ماضيْيك......., يعيش !!
هذي هي كل الحكايه
إني مو آنا الوحيد
كان قبلي شخص ثاني .... وجيت أنا حب ٍ جديد ..!!
جيت ألملم مابقالي ...
........... من تحطمكم , ... وأكيد ..!
........................................................ شي مكتوب وأحبك !
تت



9 تعليقات


  1. Anonymous

    This comment has been removed by the author.

    November 15, 2009 at 12:48 AM

  2. Anonymous

    عشت عمرك قبل أجيك
    وجيت اكمل باقي عمرك !

    اللـــــه...!

    /

    صارلي يومين أدخل وأقرى أبي أرد بس أعجز عن الرد، أحس كل اللي بقوله ما يوصل اللي حسيت فيه لحظة قريت القصيدة...!

    /

    لا خطاوينا
    روعة..
    روعة..
    والكلام في حقها مراح يوفيها

    صح لسانك
    وصح احساسك

    دمت بـ خير.

    November 15, 2009 at 1:23 AM

  3. La5tawena says:

    This comment has been removed by the author.

    November 16, 2009 at 12:18 AM

  4. La5tawena says:

    حضورك .. متابعتك .. اقتباسك
    أبلغ من كل رد

    سعيد أن راقة لك
    وسعيد أكثر بهذا الرد

    صح بدنجّ ..وتسلمين على المرور
    ودمتي بخير

    November 16, 2009 at 1:29 AM

  5. aL-NooR . says:

    نعم ..طار انتظاري لسرد حروفك ..فكنت دوما ما ازرو هذا المكان ..و اتمنى نص يقربك الينا ليزيد الاستمتاع بالحرف ..

    جيت متأخر كثيــر ..عنوان النص ..سكتاني ...

    دشيت بتفاصيله ..حد الالم
    حبيت الحرف كالعادة ..تقتن موسيقى لا ترى ..فأني اقرأ النص بلا انقطاع ..خوفا من هروب المقطوعة مني ..

    تدري بوستك ..كما بوستاتك الاخرى تستفزني حد الغيرة ..فأهرب نحو عالمي
    بذلك القلم


    :)
    شكرا لنص ..امتعني حتى بالالم

    ************************

    November 16, 2009 at 12:26 PM

  6. آلاء says:

    جميلة ..
    ألم ، فألم فشوقٌ و توق

    قد تنامُ جروحِنا و قد نَنام
    لكنها تِلك ، إن ماتت ستحيا و قد لا نحيا ..

    شُكراً لكل ألم و حَرف ..

    November 16, 2009 at 11:03 PM

  7. La5tawena says:

    حضور كالنور , النور
    قراءه يستلذها حرفي على الدوام
    وانتظار مرور .. يوازي انتظارك :)

    الهروب الى ماذكر كالمواجهه
    بيننا وبيينا , جميله
    على الاقل نحن نفهمنا :)

    اسعدني تواجدك
    شكرا

    November 19, 2009 at 1:29 PM

  8. La5tawena says:

    شوق فـ شوق فـ شوق فـ شوق
    انه الحب , وكفى ..
    ان ماتت وإن عادت بكل ألامها
    يظل الحب ذلك القدر الجميل
    بـ حزنه وألمه

    شكرا ً
    لكل حرف .. وللحضور الجميل

    November 19, 2009 at 1:35 PM

  9. حَافِـيَةُ الَقَدمَيّـنْ ولِبَاسِي المَطـرْ says:

    إنتي أعجوبه !!
    مشالله عليج
    سافرتي فيني لمكان محد قدر يغتال فيه روحي , غير كلماتج
    ,
    ربي يكملج على هالدرب
    لا تحرمينا جد من ابداعاتج !

    دمتي تقتلين حروفنا في حضرة كلماتك

    December 14, 2009 at 2:13 PM