ثانيه .. دقيقه ... يوم .. اسبوع .. شهر .... سنه ...

والفراق .. اهوا الفراق
نفس الطعم .. نفس المراره والألم
نفس السهر ... نفس الليالي اللي تمر
بس ماتمر ..
نفس الحزن .. اللي افترسني بـ غيبتك
نفس القهر .. نفس التعب .. نفس السؤال المستحيل ... متى يرد ؟
واعلمه في غيبته ...
شلون الليالي كنت أعد
نفس الأمل ... في كل يوم ( انطر تجي )
في كل صبح .. أتأمل ألقالك مسج
افز .. افز .. وأرد أموت ..
وهذا الفراق .. اهوا الفراق
من يوم ودعتك , ورحت ....
نفس الحزن
نفس الألم
نفس الليالي اللي تمر .... هم وسهر
نفس العمر .. اللي انذرف مع دمعتي ..

نفسي أنا
لما أنا ... فارقتك انت ..

في زماني قبل أعرفج ..
, كنت مؤمن ..
إنه عهد الحب زال .... لا إناث ولا رجال !
رغم إني كنت أقرا ..
( كل بعد إمية سنه .. ينوجد للحب حال )
كنت أبجي لـ اعتقادي .. إني لا يمكن أحب
كنت أحسني حب وارف .. بس مو لاقي يحب !
الزمن هذا اضطهدني
لما شفت الحب فيه ... " فتره " أو " جذبه " و " لعب "
وآنا أحس الحب فيني .. " تضحيه " و " شوق " و " تعب "
كنت خايف ما ألاقي إنسانه مثلي ...
............ وما ألوم إلا الزمن
دام ( كلهم عاشقين ) ... !!


كنت أدور فيه عن أنثى ( قديمه ) .. !!
انثى مخلوقه عشان أتحب ..
......................................................... مخلوقه عشاني !
انثى مثلي قلبها .. , حاس انه مضطهد ..
مؤمنه ( فيما قرأت ) .. كل بعد إمية سنه ... ينوجد رجال وأنثى عاشقين .. !!
انثى واقعها خيال !!
( شنهو يعني صارت الساعه ثمان !؟ )
شنهو يعني ( منطقي لا منطقي ) .. او تندمج في هالزمان ..
انثى تبجي لو تمر ( سوق الزهور )
تحتقر كلمن يبيع ويشتري ...
ينكسر خاطرها لما ... تشوف " ورده " مجمده
ورده أكبر ذنبها .... ( حلوه بالفازا تموت !! )
انثى موطنها أنا ..
لما ترحل تلتقيني ... لما ترجع تلتقيني ... وكل هالرحله أنا ..
انثى مثلي .. لو تحب .........../ عادي ( تضيع ) !
انثى قبل تنام تحلم .. انّها لما تنام تحلم !! ..
تنتثر بـ اطراف حضني ... تنكمش وظلوعي سجني ..
............... وماتمشط شعرها إلا بـ يديني ..!
انثى موجوده بـ قراءاتي ( التي ) ...
ماعرفت النوم .. الا بحبرها ..
وكنت أحسني شخص ناقص !!
بس فيها يكتمل ...
تردلي إيماني القديم ...
انه فيه للحب ( قلب ) .. يملي هذا القلب ( حب )
انثى ماتكبر ... ولو تمشي السنين
اتحب طفولتها .. وبرائتها ... ولا تهتم إلا بـ كلمتين
( آنا أحبك , آنا أحبج )
ماتمل وما أمل ... لو قضينا العمر كله ... بس نقول ( الكلمتين ) .. !
أنثى معظم وقتها شوق وأماني ... !!
أنثى ماتخجل تقول ( أشتقت لك )
وأشتقت لك .. وأشتقت لك ..
ابيك مثل الثلج .. لو يلمس لساني .. !!
انثى مخلوقه عشان أتحب ..
......................................................... مخلوقه عشاني !

(...............
في زماني قبل ( أحبج ) .. !
كنت أدور فيه عن أنثى قديمه ..
ومالقيت إلا بنات ... وأمهات ... وأخت هذا .. ومرّت ذاك ..
......................... إنتي آخر آنتى من زمن الإناث ...!!!
وإنتي آخر قلب ممكن .. من أجل حبه يموت .. !!
وأنتي أول من سكن قلبي , وخلاص .....
..................)

بـ لملم أشواقي , وأنام ..
مثل أمس .. مثل العام
وبتم أحس أنك بعيد ... وأتم أحس إني وحيد
........................ وإن الوصل أوهام !
عين .. وتشوفك , غمضت
عين .. على جتّفك ... وانا بـ حضنك .. اسولف لك ... ولا تفهم بجّت !
عبره ومخنوقه بـ كلام ..
بلملم أشواقي رغم قربك وأنام ..!

عودتني لما تجي ... يعني تغيب
وآنا انطرك وانته معاي
ياللي حضورك بالغياب
......................................... أكبر عذاب
يـ لابس ثياب الغياب
قربك مثل بعدك , ألم
وانا في كل ليله الم .... اللي بقى من لهفتي
أتلحفك ( ماضي جميل ) ... لو واقعك ( إييدك علي ) .. ! أثنين صرت بـ دنيتي

بلملم أشواقي وأنام ...

مو بس حزن
مو بس ألم
ناقص على قبري أسم
ميت بدونك !؟ لا حشى ....
عايش , ولكني صنم

وإن مّت لا تبجّي علي
أصلا ً بدونك ماني حيْ
نْفس يزيد بـ حسرتي ... صدقني هذا كل شي

الليل يذبحني عليك
ابروحي بعدك أسهره
يامطوله
صرت أكرهه
يقمتني والله ... والقهر , الصبح مابي أنطره
الصبح بعدك شنهو فيه !؟
كل نور حزني دمره
صدقني من باجر أخاف
وصدقني من خوفي بجّيت
اللي بـ طريجي مو سهل ... مؤلم وانا أتصوره
إشلون لو عشته وجا !؟
أشلون أعيشه !؟ مقدره ....
مليانه داري ذكريات
سيارتي هم ذكريات
هروبي أكبر مستحيل .... كتله أنا من ذكريات
كل يوم من عمري يمر ... ياعمري بعدك ماذكره
.............................................. باجر أخافه وأكرهه


مـعـاك أعـيـش , وبـس ....
مـيـت بـدونـك .. !

تعالي بـ شوق / وقعدي فوق , .... أشواقي

تعالي أهني ..! دام أهني ... / مجنونج

تعالي بـ طيش / خل نعيش .... عشاقي

تعال ِ أطبع .. على كل جزء , مفتونج ...!

ندى وأمطار ....!!! .. نيّة بنت , لـ اغراقي

نار ونار ... دفى اشياء ... بـ متونج

بقايا انفاس / لا والله ....! لا أنفاس , لا باقي ....!!!

احس اني احتضنت الكون .. كل الكون بـ عيونج

تعالي والزمن أتفه .. ترى من لحظة فراقي

تعالي لا يضيع العمر ... دام العمر / مجنونج ...!

.

.
.

ماقدرت الليله أتحمل غيابك ..!

................................ وجيت

جيت خايف ..!!

وادري لازم ما أجي

, شكلي متعود عذابك ..!!

كنت أحسّك / فيك شي !؟

وكان دمعي , خطوتي ... وشفت كل الكون بابك ..!

ماقدرت أتحمل الليله غيابك ..!

.

.
... مالقيت ببيتي نفسي .. ورحت ادوّرني عليك

بكل مكان .. بكل كرسي .. وكل ما " اقترفت " يديك

بكل دمعه وكل آآه ............................ / بكل بساطه كنت ابيك

كنت احاتي شي فيك ..!

تبجي وإلا ..!؟

وإلا ... ؟ وإلا ... ؟ , ماقدرت تنام مثلي ..!؟

وإلا .. ؟ وإلا .... ؟ وإلا ... ؟ وإلا ... ؟ مغمض عيونك علي ..!

.

.
من عرفتك !

هذي اول ليله أقضيها في بُعدك ..!!

شوفها عيْت تمر ...وشوفني وشلون فيها ... ......... حالي حال , ومنكسر ..!

كل زوايا البيت " رسمك " كل أسامي " الشي " أسمك ..!!

.................... كل دموع الناس آنا..!

هذي اول ليله أقضيها في بُعدك ..!!

ساعتي ( الحزن ) ظلاما ً

.. كل دقيقه فيها موت ..!

وكل ثواني تنولد لك .. ارجع ابجيّها , واموت ...

والله كلي منخلق لك ..!! يا أبوي وطيب أمي

..................... وتارك الدنيا بـ سكوت ..!

هذي اول ليله أقضيها في بُعدك ..!!

اشهق انفاسي ألم ..غرفتي ( اكبر / صغيره ) .!!!! عاش فيها لك حلّم

افترش كلي عليها .. خوف .. خوف

مانشف دمعي عليها .. شوف .. شوف

وارتشف صمتي بـ حزن ..!

والله ما باليد حيله ... ليش تمنعني الظروف ؟

هذي اول ليله أقضيها في بُعدك ..!!

من عرفت الدنيا مافيها صبح ..!

من يجيب الصبح غيرك !؟

ليلتي حزن وطويله ... تنتهي لمن اشوفك .. لي متى بسهرها يعني !؟

لا حضورك ... لا طيوفك ..!

.................. وقلب ياكلني عليك

حيل احاتي شي فيك

تبجي وإلا ..!؟

وإلا .. !؟ وإلا .. !؟ ماقدرت تنام مثلي ..!

كان ظلي لو يمرني .. حيل يشبهني ... أبيك ..!!

...ماقدرت الليله اتحمل غيابك

............ وجيت

وادري لازم ما اجي ..

( كان كل الكون بابك ) ...!!

.
.
.

عيني بصيره بس إيدييني قصيره

يابوي / لو إنه عدا الموت , لـ افداك

ترحل وتترك حزن الأحياء ديره

والشْعب / مثل الشعب يبجي لـ فرقاك

العين تدمع ... والخواطر كسيره
والصوره مدري شلون صوره / بلياك

من يوم واحنا صغار وامنا الكبيره

دايم تحازينا عن العود وياك

.

.

الصبح باجر مايحب الظهيره ...!

وقت الظهيره / آخر الدرب , مثواك ...!!

.