Friday, January 21, 2011

أنا وأنت , أنحبها ... !!

بنزف / La5tawena | عدل الصفحة
.






بنفس الوقت / والتاريخ / والموعد !
في هالمطعم ( كبينة حب ) مثلك كنت انا فيها !!
سمعت أحلا كلام الحب
سمعت اغليك .. سمعت أهواك ..
سمعت ( إن العمر يفداك !! )
وشفت أغلا دموع العين تتنثر
وأنا اتأثر ! واهي تبجي (على فرقاي ماتقدر ! )
واثاري جذب !
كل اللي اعيشه جذب !!
مشيت أسوأ دروب الحب ..
/ عرفتك .. قلت افضفض لك
وأصارح واقعك ( بالصعب ! )

.

.

أنا وأنت انحبها !
يا أنسحب .. ياتنسحب !!
قصه حزينه للأسف
من دمعنا هي تنكتب
ماخترنا احنا انحبها
لكن عشقناها ” غصب ” !!
والحب مايطلب أذن ..
( من غير ماندري نحب )
احنا صدقنا بحبنا ..
بس هي تاخذنا ” بلعب
والظاهر انه مالنا
من حبها غير التعب !
حاولت انساها اشكثر ؟!
لكن مفارقها صعب

.

.

ودي بشعوري انت تحس
لمن ألاقيكم ( هِناك )
مصدوم ” فاقد ” موقفي !
وانته اتبوسم ( هي معاك )
في داخلي صرخة ألم
معقوله وبـ ( عيني ملاك )
مليون / سين ؟ / بخاطري
من هو قبل من هو خذاك ؟
من جرحي اضويتو شموع
من آه ِ غنيتو ( غلاك )

خلك معاها وأوعدك ..
باجر تخليك لـ هذاك
ماكان ودي أصدمك
قلت أختصر لك ماخفاك !!

.
.

أنا وأنت أنحبها !!
والحين آنا بنسحب
قصه حزينه وأنطوت
( جففت دمعي اللي كتب )
ن


3 تعليقات


  1. جنون الصّمت says:

    للألم جمال حين تصفه حروفك !

    متعطشة للمزيد

    : )

    January 22, 2011 at 9:54 PM

  2. النعنوعـة says:

    جرح صعب
    صعب للغاية
    ...
    لا أزيد على هذه العذوبة
    دمت بود

    January 24, 2011 at 11:52 AM

  3. La5tawena says:

    جنون الصمت
    الجمال هو مرورك العذب .. وقرائتك
    شكرا لك :)


    النعوعه
    هو كذلك .. والمشهد مؤلم !
    شاكرلك نتواصلك الدائم وتواجدك العزيز
    شكرا :)

    April 9, 2011 at 2:21 AM