Wednesday, July 22, 2009

انثى مخلوقه , عشاني ...

بنزف / La5tawena | عدل الصفحة





في زماني قبل أعرفج ..
, كنت مؤمن ..
إنه عهد الحب زال .... لا إناث ولا رجال !
رغم إني كنت أقرا ..
( كل بعد إمية سنه .. ينوجد للحب حال )
كنت أبجي لـ اعتقادي .. إني لا يمكن أحب
كنت أحسني حب وارف .. بس مو لاقي يحب !
الزمن هذا اضطهدني
لما شفت الحب فيه ... " فتره " أو " جذبه " و " لعب "
وآنا أحس الحب فيني .. " تضحيه " و " شوق " و " تعب "
كنت خايف ما ألاقي إنسانه مثلي ...
............ وما ألوم إلا الزمن
دام ( كلهم عاشقين ) ... !!


كنت أدور فيه عن أنثى ( قديمه ) .. !!
انثى مخلوقه عشان أتحب ..
......................................................... مخلوقه عشاني !
انثى مثلي قلبها .. , حاس انه مضطهد ..
مؤمنه ( فيما قرأت ) .. كل بعد إمية سنه ... ينوجد رجال وأنثى عاشقين .. !!
انثى واقعها خيال !!
( شنهو يعني صارت الساعه ثمان !؟ )
شنهو يعني ( منطقي لا منطقي ) .. او تندمج في هالزمان ..
انثى تبجي لو تمر ( سوق الزهور )
تحتقر كلمن يبيع ويشتري ...
ينكسر خاطرها لما ... تشوف " ورده " مجمده
ورده أكبر ذنبها .... ( حلوه بالفازا تموت !! )
انثى موطنها أنا ..
لما ترحل تلتقيني ... لما ترجع تلتقيني ... وكل هالرحله أنا ..
انثى مثلي .. لو تحب .........../ عادي ( تضيع ) !
انثى قبل تنام تحلم .. انّها لما تنام تحلم !! ..
تنتثر بـ اطراف حضني ... تنكمش وظلوعي سجني ..
............... وماتمشط شعرها إلا بـ يديني ..!
انثى موجوده بـ قراءاتي ( التي ) ...
ماعرفت النوم .. الا بحبرها ..
وكنت أحسني شخص ناقص !!
بس فيها يكتمل ...
تردلي إيماني القديم ...
انه فيه للحب ( قلب ) .. يملي هذا القلب ( حب )

انثى ماتكبر ... ولو تمشي السنين
اتحب طفولتها .. وبرائتها ... ولا تهتم إلا بـ كلمتين
( آنا أحبك , آنا أحبج )
ماتمل وما أمل ... لو قضينا العمر كله ... بس نقول ( الكلمتين ) .. !
أنثى معظم وقتها شوق وأماني ... !!
أنثى ماتخجل تقول ( أشتقت لك )
وأشتقت لك .. وأشتقت لك ..
ابيك مثل الثلج .. لو يلمس لساني .. !!
انثى مخلوقه عشان أتحب ..
......................................................... مخلوقه عشاني !

(...............
في زماني قبل ( أحبج ) .. !
كنت أدور فيه عن أنثى قديمه ..
ومالقيت إلا بنات ... وأمهات ... وأخت هذا .. ومرّت ذاك ..
......................... إنتي آخر آنتى من زمن الإناث ...!!!
وإنتي آخر قلب ممكن .. من أجل حبه يموت .. !!
وأنتي أول من سكن قلبي , وخلاص .....
..................)

4 تعليقات


  1. aL-NooR . says:

    واااااااااو
    النص ..قريـــــــب
    حيـــــــــــــــــل
    كتابتك خاصة .. دوما حروفك تملك طابع الندرة بالصياغة
    رغم مرارة الموقف ..الا انك مميز


    نريد المزيد
    فعطشنا دائم
    ************

    July 27, 2009 at 9:10 AM

  2. Anonymous

    جد قبل فترة قاعده اقول ..
    ودي بشي يديد من كتاباتك

    وقريت اللي قبل هذه ..لانه هذه قاريتها هناك قبل :D


    جد اخوي لا خطاوينا لا تبخل علينا بأحساسك اللي ما يشبهه احساس ( ماشاءالله)


    noonaa85

    August 2, 2009 at 1:05 AM

  3. Sarah / Arikashika says:

    أحساس قريب
    أحساس غريب!
    جدا غريب ان رجل في هالزمان يحس هالاحساس
    أحييك

    أشكرك أخوي لاخطاوينا على هذا النص الجميل
    *****

    September 16, 2009 at 9:21 PM