Friday, August 10, 2007

مجنون أودع ناظري !؟

بنزف / La5tawena | عدل الصفحة



سافري !
لو كان في بُعدج تعب .. ولو كان ماهو بـ خاطري !
( الله كتب , إني أحب ) ..!
وتسافري ..!!
عندي طلب !
روحي بهدوء !..
مافيني اصلا ً لج دموع / ... اذرفها لما تغادري ..!
ولا تناديني تعال ..!
وماني قايل لج وداع
( مجنون , اودع ناظري !؟ )
صدقيني لما تسافري ..
مايحس الا انا ! ... ومايضيع الا انا ! ..
من اولي لين آخري
جنه الصبر مخلوق لي !! .. او انا مخلوق له
والغياب اللي خذاج ..خلاني وحدي بـ حاضري !



يومين باقي لـ رحلتج ! ويومين باقي لـ رحلتي ..!
يومين وتروحي لـ مكان ... غير المكان ودنيتي ..!
ادري اشتياقج لي كبير .. وادري احتياجي لج كثير
وادري بـ عيونج دمعتي !
وادري بأني مادريت !! ان السفر حده حزن .. حده ألم ..
وإن الوطن هو
( غربتي ) !!
وإني أنا ماهو أنا ! ... مفقود من شخصيْتي !!


ابنطرج .. !
وكل هذا الكون والله ... مايساوي في غيابج
غير إني , انطرج !!
وماتحرك من مكاني ... غير لما استقبلج !
واستأذنج بآخر طلب !!
لي بغيتي تسافري
لا تناديني تعال .!
وماني قايل لج وداع ..!
مجنون , أودع ناظري !؟

17 تعليقات


  1. نقوشيه says:

    الله يصبر قلبكـ العاشق . . !
    اكره لحظة وداع اي شخص عزيز عليّ ، فما بالكـ لما يكون حبيب القلب
    <3
    كلماتكـ طالعه من قلب و وايد مُؤثره

    August 12, 2007 at 8:28 PM

  2. عــــــابره says:

    مبروك على بلوقز اليديد لاخطاوينا
    منار ادبي يشع في عالم المدونات ..

    واللحظه التي يهرب منها جميع المحبين
    هي الوداع ..

    هذا ماعهدته من كتاباتك

    August 13, 2007 at 8:29 AM

  3. La5tawena says:

    نقوشيه
    .
    .
    الوداع ! الشي الوحيد اللي ماحب اعيشه .. صج صج دايما اتهرب منه لو كان وداع عادي او لـ عوده قريبه , تعودت اني لا اودع ولا اوادع !
    هههه طقوسه حدها ماتناسبني وبالمثل هم انا ما اناسبها ..!
    / اسعدني حضورج الكريم : )مشكوره


    My SoLd ..
    .
    .
    الله يبارك بـ حياتج ومشكوره : )
    , صح !! الكل يتهرب منها .. حتى لوكان راح يواجهها ويعيشها لا محاله او بالاصح راح يعيش فترة الوداع الا انه يتهرب يعيش لحظاته ووقتيته المجرده !
    .. شكرا ً على الحضور : )

    August 13, 2007 at 4:05 PM

  4. إيلاف says:

    عندما أشرع بقراءة نص لـ لاخطاوينا
    أكون على يقين بأنني سأخوض رحلة رائعة مع الكلمات ,
    رحلة تتلاعب بي , كتلاعب هذا القلم بالأحرف : )

    لا خطاوينا , أسعدني جدًا إفتتاحك بهذه المدونة
    بذلك لن نتعب عندما نشتاق لقراءة ما كتبت

    August 13, 2007 at 5:00 PM

  5. La5tawena says:

    اسعدني اكثر حضورك وردك الجميل
    كما سعدت بالتعرف على مدونتك الرائعه واتمنى لك ِ ولها التوفيق والنجاح
    حقا ً سررت بتواجدك وكلماتك : )

    August 13, 2007 at 6:52 PM

  6. Sheikha85 says:

    كلمات معبره مؤثره تقف عندها المشاعر
    لتشعر بتلك الاحاسيس المنثوره
    اهنيك على تلك الاسطر الرائع

    الوداع اصعب التصرفات
    فان كان هذا الوداع لشخص عزيز .. حبيب.. قريب... سيكون الوداع جهاد
    تحبس الدموع..تكتم المشاعر..تظهر بشكل آخر

    وهذا كله رمز الحب والوفاء :)

    اعجبتني جداً هذه المدونه :)

    يعطيك العافيه

    August 14, 2007 at 12:31 AM

  7. La5tawena says:

    صح !! هو اشبه بالجهاد
    كل شيء بشكل آخر عدا ان الحقيقه تبقى كما هي , ويرحلون !!
    تحبسنا الدموع ولا نحبسها , فـ تذرفنا بعيدا ً عن اعين الناس وعن وداع من نحب !
    تلك لحظات لا للعيش !
    مؤكد ان الزمن سيتوقف بنا حتى نلتقي بهم مجددا !

    اسعدتني زيارتج ومرورج الجميل
    مشكوره , وعسى سنينج كلها خير في خير /؛

    August 14, 2007 at 3:57 PM

  8. 5roofa says:

    كلماااات عجييييبه

    والله بجيت بجييييييي الكلمات و المشاعر اصعب شي الفراق حتى لو ايام تحس هالايام علما تنتهي جنها سنين

    يعطييك العافيه على الكلمات الاكثر من رائعه

    salamz...

    August 18, 2007 at 3:40 PM

  9. La5tawena says:

    تحس ايام عمرك اوقفت اصلا ..!
    تعيشها بس لانها ايام عمرك ..!!
    وتستغرب اشمعنى الحين صارت طويله
    ممممم هههه معقوله مو 24 ساعه !!

    الله يعافيج وتسلمين على مرورج الحلو
    :)

    August 18, 2007 at 5:16 PM

  10. qesat_5ayal says:

    ليت أنه لم يكتب السفر
    لذلك لمسافر..

    حقا شعور الانتظار لمسافر
    أعطانا العهد بالعودة لهو
    عميق ، مؤلم ، نعيشه لنشعر به

    كلماتك لامست عروق المحبة
    الحب ,, قلب المحب
    لك كل التحايا

    August 18, 2007 at 11:42 PM

  11. محـــــارة says:

    شنو هذااا إبداع فوق الوصف ولله بدون مجامله عجبتني الفكرة والأحساس القمة وذكرتني بيوم كنت فعلا أحس روحي تطلع مني

    يوم لما سافر وبنفس اليوم أنولد ولد أخوي ماني قادره اروح أبارك روحي مو قادره تشيلني أحساس قذر أن حبيبي قلبك يغادر وأن تشوفه بصمته

    مبروك هالبلوق أخوي وسعيده واايد أن راح نقرأ كاتب يحمل أحساس كبير مثلك .. واصل والله يوفقك

    August 19, 2007 at 2:44 AM

  12. Loura says:

    مشاعر صادقة، أهنيك على صياغتها بهذي السلاسة.

    August 19, 2007 at 7:49 PM

  13. La5tawena says:

    qesat_5ayal

    فعلا ً ليت القدر لم يكتب لـ ذلك السفر ان يتم ..!
    ولم يكتب لنا هذا الانتظار المر
    .... شيء يفوق الصبر !!
    ونحن على الوعد والعهد , منتظرون ..!

    شكرا ً لـ روعة الحضور

    August 19, 2007 at 11:00 PM

  14. La5tawena says:

    محـــاره

    مشكوره على كل كلمه قلتيها وحدج اسعدتيني بتواجدج :)
    ايي مو الصمت اهو اللي يذبح ..!!
    لا انته تملك تقول لا تسافر
    ولا انته قادر تروح وتودعه ..!
    مالك إلا الصمت ..!
    والصمت مؤلم

    الله يبارك فيج .. وانا اسعد والله
    ومشكوره على كلامج ومرورج الكريم

    August 19, 2007 at 11:10 PM

  15. La5tawena says:

    Loura

    انا أهني نفسي بـ مرورج الكريم
    ومشكوره وحياج الله ..

    August 19, 2007 at 11:19 PM

  16. Ghadeer says:

    كيف
    مجموعة حروف
    و ليست إلا مجرد حروف
    تخدم الهدف من مدونتك تماماً
    تأخذني في سحابة شرود
    تذكرني بضياع الغربة
    ليست غربتي
    بلى. . غربتي بعينها. .
    و أنا لم أبارح مقعدي
    و لم تبارحني غصة في حنجرتي

    October 14, 2007 at 11:20 PM

  17. Ghadeer says:

    كيف
    مجموعة حروف
    و ليست إلا مجرد حروف
    تخدم الهدف من مدونتك تماماً
    تأخذني في سحابة شرود
    تذكرني بضياع الغربة
    ليست غربتي
    بلى. . غربتي بعينها. .
    و أنا لم أبارح مقعدي
    و لم تبارحني غصة في حنجرتي

    October 14, 2007 at 11:20 PM